唔使識八字，睇完呢頁你就明銀河曆背後點運作——同埋點解每個人嘅旺日都唔同。
八字將你出生嘅年、月、日、時轉成四組干支（就係 App 命盤嗰四條柱）。當中出生日嗰個天干叫做日主——成個命盤都係圍住佢嚟計。
日主一定屬五行其中一種。例如日主係「戊」，就係戊土——命理上你就係「一座山」：厚重、穩陣。日主係「壬」就係壬水——大江大河，靈活善變。
五行之間有相生同相剋兩條循環：
命理有句口訣：「我剋者為財」——即係俾你日主剋制嘅嗰種五行，就係你嘅財星。錢財係要「拎得住、管得到」先係你嘅，所以用「剋」嚟代表。
財星現身唔代表一定接得住——仲要睇你日主夠唔夠力。App 會計你命盤入面「生你、幫你」嘅力量佔幾多（就係命盤下面嗰條能量條）：
身強（幫身力 ≥ 一半）：日主有力，見財可追——財日就係你出手日。
身弱：日主力有不逮，見財反而易破——要揀「印比幫身」嘅日子先穩陣。
呢個就係點解同一日，有人旺有人忌——通勝一本通書睇到老，銀河曆係逐個人計。
喺 60 個干支日入面，App 幫你篩出財星透干、地支又同你命盤相合嘅最強組合，得出三個日子：
每式 60 日循環出現一次，配埋建議出手時辰——就係話你知「幾點去買」嗰兩粒金色時辰。
每一日 App 會將天干十神關係、地支藏干、合化成局、相刑、流年流月氣候全部計埋，得出 −N 到 +N 嘅分數，再轉成 0–7 粒金幣顯示。
亮 5 粒以上 = 值得留意；💰 標記 = 三式日；🎲 = 財神加班（非三式但財星透干，可小注怡情）；⚠️ 歲破就唔好搏。想深入了解每一層點計，睇 深化模型介紹。